ಬಜೆಟ್ ಕುರಿತು ಸಿಎಂ ಎಚ್’ಡಿಕೆ ಪರ ಬಿಜೆಪಿ ಸದಸ್ಯ ಲೆಹರ್​ ಸಿಂಗ್​ ಬ್ಯಾಟಿಂಗ್

ವಿಧಾನ ಪರಿಷತ್​ನಲ್ಲಿ ಮುಖ್ಯಮಂತ್ರಿ ಎಚ್​.ಡಿ.ಕುಮಾರಸ್ವಾಮಿ ಅವರ ಪರವಾಗಿ ಬಿಜೆಪಿ ಸದಸ್ಯ ಲೆಹರ್​ ಸಿಂಗ್​ ಬ್ಯಾಟಿಂಗ್​ ಮಾಡಿದ್ದಾರೆ. ಇದಕ್ಕೂ, ಮುನ್ನ "ನನ್ನ ಮಾತಿನಿಂದ ನಮ್ಮ ಬಿಜೆಪಿ ಸ್ನೇಹಿತರಿಗೆ ಬೇಸರ ಆಗಬಹುದು. ಆದರೂ, ಕುಮಾರಸ್ವಾಮಿ ಅವರ ಬಗ್ಗೆ ಕೆಲವು ಪಾಸಿಟಿವ್​ ವಿಚಾರ ಹೇಳುತ್ತೇನೆ" ಎಂದು ಮಾತು ಪ್ರಾರಂಭಿಸಿದರು.

ಸಿಎಂ ಎಚ್​.ಡಿ.ಕುಮಾರಸ್ವಾಮಿ ಅವರು ಆರ್ಥಿಕ ಶಿಸ್ತು ಕಾಪಾಡಿಕೊಂಡು ಬಜೆಟ್ ಮಂಡಿಸಿದ್ದಾರೆ. ಅಲ್ಲದೆ, ಸರ್ಕಾರಿ ಶಾಲೆಗಳಲ್ಲಿ ಇಂಗ್ಲಿಷ್​ ಮಾಧ್ಯಮ ಜಾರಿ ಮಾಡುವ ಬಗ್ಗೆ ಮುಖ್ಯಮಂತ್ರಿಗಳು ಯೋಜನೆ ರೂಪಿಸಿದ್ದಾರೆ. ಇದು ಸ್ವಾಗತಾರ್ಹ ವಿಚಾರ ಎಂದು ಹೇಳಿದ್ದಾರೆ. ಇಂಗ್ಲಿಷ್​ ಬೋಧನೆಯಿಂದ ಕಾನ್ವೆಂಟ್​ ವಿದ್ಯಾರ್ಥಿಗಳಿಗೆ ನಮ್ಮ ಬಡಮಕ್ಕಳೂ ಸ್ಪರ್ಧೆ ನೀಡಬಹುದು. ಕುಮಾರಸ್ವಾಮಿ ಅವರ ನಿರ್ಧಾರ ಉತ್ತಮವಾಗಿದೆ ಎಂದು ಹೇಳಿದರು.