ಎಚ್ಚರ..! ನಿಮ್ಮ ಬ್ಯಾಂಕ್ ಮಾಹಿತಿಗಳನ್ನು ಯಾರಿಗೂ ನೀಡಬೇಡಿ..?!

ತಂತ್ರಜ್ಞಾನ ಬದಲಾದಂತೆ ನಮ್ಮ ಜೀವನ ಶೈಲಿಯೂ ಬದಲಾಗುತ್ತಿದೆ, ಇನ್ನು ತಂತ್ರಜ್ಞಾನದಿಂದಾಗಿ ನಮ್ಮ ಎಲ್ಲಾ ವಹಿವಾಟುಗಳು ಈಗ ಕ್ಯಾಶ್​ ಲೆಸ್​ ಆಗಿದ್ದು  ಹೆಚ್ಚುಕಮ್ಮಿ ಆರ್ಥಿಕ ವ್ಯವಹಾರ ಆನ್​ ಲೈನ್​ ಮೂಲಕ ಮಾಡಲು ಇಚ್ಚಿಸುತ್ತಾರೆ ಮತ್ತು ಮೋದಿಯವರು ಡಿಜಿಟಲ್​ ಇಂಡಿಯಾ ಘೋಷಣೆಯಾದ ಮೇಲಂತೂ ಇದರ ಪ್ರಮಾಣ ಮತ್ತಷ್ಟು ಹೆಚ್ಚಾಗಿದೆ.

ತಂತ್ರಜ್ಞಾನನದಿಂದ ನಮಗೆ ಎಷ್ಟು ಒಳಿತಿದೆಯೋ ಅಷ್ಟೇ ಕೆಡುಕುಗಳು ಕೂಡ ಇವೆ. ದಿನ ಬೆಳಗಾದರೆ ಆನ್​ ಲೈನ್​ ಮೂಲಕ ವಂಚನೆಗೊಳಗಾದ ಅನೇಕ ಪ್ರಕರಣಗಳನ್ನು ನಾವು ಕಾಣುತ್ತೇವೆ ಅದಕ್ಕೆ ಕಾರಣ ಈ ನಮ್ಮ ತಂತ್ರಜ್ಞಾನವೇ ಆಗಿದೆ.ಕಾಣದ ಊರಿನಲ್ಲಿ ಕುಳಿತ ಕೆಲವು ಹ್ಯಾಕರ್​ಗಳು ತಮ್ಮ ಬೆರಳ ತುದಿಯಲ್ಲಿಯೇ ನಮ್ಮ ಎಲ್ಲಾ ಮಾಹಿತಿಗಳನ್ನು ಕಲೆ ಹಾಕಿ ನಮಗೆ ಗೊತ್ತಿಲ್ಲದಂತೆ ನಮ್ಮ ಖಾತೆಯಲ್ಲಿರುವ ಹಣವನ್ನು ದೋಚಿರುತ್ತಾರೆ ಹಾಗಾಗಿ ಇಂದು ಪ್ರತಿಯೊಬ್ಬ ನಾಗರೀಕನು ಎಚ್ಚರಿಕೆಯಿಂದಿದ್ದರೆ ಈ ರೀತಿಯ ಹ್ಯಾಕರ್​ಗಳಿಂದ ತಪ್ಪಿಸಿಕೊಳ್ಳಬಹುದು.ಈಗಾಗಲೇ ಈ ಬಗ್ಗೆ ಎಲ್ಲ ಬ್ಯಾಂಕ್​ಗಳು ತಮ್ಮ ಸಿಬ್ಬಂದಿಗಳೆಂದಾಗಲಿ ಅಥವಾ ಬೇರೇ ಯಾರೇ ಕರೆ ಮಾಡಿ ನಿಮ್ಮಇಗ ಅಕೌಂಟ್​ ಮಾಹಿತಿ, ರಿಜಿಸ್ಟರ್ಡ್​ ಮೊಬೈಲ್​ ನಂಬರ್​, ನೀವು ವ್ಯವಹರಿಸಲು ಬಳಸುವಂತಹ ಪಿನ್​ ಅನ್ನು ಯಾರಿಗೂ ನೀಡಬಾರದು ಎಂದು ಹೇಳಿರುತ್ತಾರೆ. ಆದರೆ ಕೆಲವು ಚಾಲಕಿಗಳು ಯಾಮಾರಿಸಿ ಈ ಮಾಹಿತಿಗಳನ್ನು ಪಡೆದು ಲಕ್ಷ ಲಕ್ಷ ಯಾಮಾರಿಸಿರುವ ಪ್ರಕರಣಗಳು ಇಂದು ನಮ್ಮ ಕಣ್ಣ ಮುಂದಿವೆ.ದೂರದ ಬೇರೆ ಬೇರೆ ದೇಶಗಳಿಂದ ಹ್ಯಾಕ್​ ಮಾಡುವ ಹ್ಯಾಕ್​ ಪ್ರವೀಣರು ನಮ್ಮ ಮಾಹಿತಿಯನ್ನು ಕಲೆ ಹಾಕಿ ನೀವು ನಂಬುವಂತೆ ನಿಮಗೆ ಕರೆ ಮಾಡುತ್ತಾರೆ, ಉದಾಹರಣೆಗೆ ನಿಮಗೆ ಲಂಡನ್ ನಲ್ಲಿ ಒಂದು ಬಂಪರ್​ ಲಾಟರಿ ಬಂದಿದ್ದು ಅದಕ್ಕೆ ನೀವು ಆಯ್ಕೆಯಾಗಿದ್ದೀರಿ, ನಿಮಗೆ ಆ ಹಣ ವರ್ಗಾಹಿಸಲು ನಿಮ್ಮ ಖಾತೆಯ ವಿವಿರ ಮತ್ತು ಪಿನ್​ ಅವಶ್ಯಕವಿದೆ ಎಂದು ನಂಬಿಸಿ ಕೊನೆಗೆ ನಿಮ್ಮ ಮಾಹಿತಿಯನ್ನ ಪಡೆದು ಹಣ ದೋಚುತ್ತಾರೆ.ಹಾಗೆಯೇ ನಿಮ್ಮ ಮಾಹಿತಿಗಳನ್ನು ಕಲೆಹಾಕಿ ಹೈ ಬ್ರಿಡ್​ ಡೇಟಾ ಕಲೆಕ್ಟರ್​ ಮೂಲಕ ನೀವು ಮಾಡುವ ಎಲ್ಲಾ ವ್ಯವಹಾರಗಳ ಮೇಲೆ ಕಣ್ಣಿಟ್ಟು ಅದರ ತದ್ರೂಪಿಯನ್ನು ತಯಾರು ಮಾಡಿ (ಡ್ಯೂಪ್ಲಿಕೇಟ್​ ಸಿಮ್​, ಎಟಿಎಂ, ಕ್ರೆಡಿಟ್​ ಕಾರ್ಡ್​) ನಿಮ್ಮ ಹೆಸರಿನಲ್ಲಿ ಅವರು ವ್ಯವಹರಿಸುತ್ತಾರೆ.ಆದರೆ ದೂರದ ಊರಿನಲ್ಲಿ ಅವರು ಮಾಡುವ ಈ ಕೃತ್ಯವನ್ನು ತಡೆಯಲು ಅನೇಕ ಕಾನೂನು ತೊಡಕುಗಳಿರುವ ಕಾರಣದಿಂದಾಗಿ ಅಂತವರಿಗೆ ಶಿಕ್ಷಿಸುವುದೂ ಕಷ್ಠವಾಗಿದೆ. ಹಾಗಾಗಿ ಪ್ರತಿಯೊಬ್ಬರೂ ಕೂಡ ತಮಗೆ ಯಾವುದೇ ಕರೆ ಬಂದಾಗಲೂ ಕೂಡ ಜಾಗರೂಕವಾಗಿ ಅವರೊಂದಿಗೆ ಮಾತನಾಡಬೇಕು ಯಾವುದೇ ಕಾರಣಕ್ಕೂ ತಾವು ವ್ಯವಹಾರಕ್ಕಾಗಿ ಬಳಸುವ ಪಿನ್​ ಅಥವಾ ಪಾಸ್​ ವರ್ಡ್​ಗಳನ್ನು ಹಂಚಿಕೊಳ್ಳಬಾರದು…..!