ಹಾಕಿ ಟೆಸ್ಟ್​ ಸರಣಿಯಲ್ಲಿ ಕಿವೀಸ್​ ಮಣಿಸಿದ ಭಾರತ

ನ್ಯೂಜಿಲೆಂಡ್​ ವಿರುದ್ಧದ ಮೂರು ಪಂದ್ಯಗಳಲ್ಲಿ ಭಾರತ ಹಾಕಿ ತಂಡವು ಟೆಸ್ಟ್​ ಸರಣಿಯಲ್ಲಿ ಗೆಲುವಿನ ಮೂಲಕ ಆರಂಭವನ್ನು ಮಾಡಿದೆ. ಮೊದಲ ಪಂದ್ಯದಲ್ಲಿ 4-2 ಗೋಲುಗಳ ಅಂತರದಿಂದ ಕಿವೀಸ್​ ತಂಡವನ್ನು ಭಾರತ ಸೋಲಿಸಿದೆ.

ಬೆಂಗಳೂರಿನ ಭಾರತ ಕ್ರೀಡಾ ಪ್ರಾಧಿಕಾರದ ಕ್ಯಾಂಪಸ್​ನ ಕ್ರೀಡಾಂಗಣದಲ್ಲಿ ನಡೆದಂತಹ ಪಂದ್ಯದಲ್ಲಿ ಭಾರತ ತಂಡದ ಪರ ರುಪಿಂದರ್ ಸಿಂಗ್ (2, 34ನೇ ನಿಮಿಷ), ಮನ್​ದೀಪ್​ ಸಿಂಗ್​ (15ನೇ ನಿಮಿಷ), ಹರ್ಮನ್​ಪ್ರೀತ್​ ಸಿಂಗ್​ (38ನೇ ನಿಮಿಷ) ಗೋಲು ಬಾರಿಸಿದರು. ಹಾಗೆಯೇ ಕಿವೀಸ್​ನ ಸ್ಟೆಫನ್ ​ಜೆನ್ನೆಸ್ 26 ಹಾಗೂ 55ನೇ ನಿಮಿಷದಲ್ಲಿ ಗೋಲು ಗಳಿಸುವ ಮೂಲಕ ಎಲ್ಲರ ಗಮನವನ್ನು ಸೆಳೆದರು.