ಪಾಂಡ್ಯ ಬಿಚ್ಚಿಟ್ರು ಕಠಿಣ ದಿನಗಳ ಸತ್ಯ

2015ರಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಪಾದಾರ್ಪಣೆ ಮಾಡುವ ಮೊದಲು ಹಾರ್ದಿಕ್ ರ ಹಣಕಾಸಿನ ಪರಿಸ್ಥಿತಿ ಅಷ್ಟೊಂದು ಉತ್ತಮವಾಗಿರಲಿಲ್ಲವಂತೆ. 2 ವರ್ಷದ ವರೆಗೆ ಕಾರಿನ ಇಎಮ್​​ಐ ಕಟ್ಟಿರಲಿಲ್ಲವಂತೆ. ಕಾರನ್ನು ಎಲ್ಲಿ ಕೊಂಡೊಯ್ಯುತ್ತಾರೋ ಎನ್ನುವ ಭಯದಿಂದ ಕಾರನ್ನು ಅಡಗಿಸಿ ಇಡುತ್ತಿದ್ದರಂತೆ.ಕಾರಿನ ಇಎಮ್​ಐ ಕಟ್ಟೋದಕ್ಕೋಸ್ಕರ ಹಣವನ್ನು ಉಳಿತಾಯ ಮಾಡುತ್ತಿದ್ದರಂತೆ. ಮೂರು ವರ್ಷಗಳ ಕಾಲ ಕಷ್ಟಪಟ್ಟಿದ್ದೇನೆ.

 5, 10 ರೂಪಾಯಿಯನ್ನೂ ಉಳಿತಾಯ ಮಾಡುತ್ತಿದ್ದೆ. ಐಪಿಎಲ್​ ಮ್ಯಾಚ್​ನಲ್ಲಿ ಸುಮಾರು 70 ಸಾವಿರ ರೂ. ದೊರಕಿತ್ತು. ಈ ಹಣದಿಂದ ಇನ್ನೂ ಸ್ವಲ್ಪ ದಿನ ಆರಾಮವಾಗಿರಬಹುದು ಅಂದುಕೊಂಡಿದ್ದೆ. ಆ ದಿನಗಳಲ್ಲಿ ಕಾರಿನ ಇಎಮ್​ಐ ಹಾಗೂ ಹೊಟ್ಟೆಗೆ ಆಹಾರ ಇದೇ ಮುಖ್ಯವಾಗಿತ್ತು ಎನ್ನುವುದನ್ನು ನೆನಪಿಸಿಕೊಂಡರು ಹಾರ್ದಿಕ್. ಆದರೆ ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ ಟೀಮ್ ಗೆದ್ದ ನಂತರ ಹಾರ್ದಿಕ್ ಪಾಂಡ್ಯ ಅದೃಷ್ಟವೇ ಬದಲಾಯಿತು. ಹಾರ್ದಿಕ್​ಗೆ 50 ಲಕ್ಷದ ಚೆಕ್ ಸಿಕ್ಕಿತ್ತು. ಜೊತೆಗೆ ಒಂದು ಕಾರು ಕೂಡಾ ಸಿಕ್ಕಿತ್ತು. ಹಾರ್ದಿಕ್ ಲೈಫ್​ ಮೂರೇ ಮೂರು ತಿಂಗಳಲ್ಲಿ ಬದಲಾಯಿತು. ಮೂರು ತಿಂಗಳಲ್ಲಿ 50-60 ಲಕ್ಷ ದುಡ್ಡು ತನ್ನ ಕೈಯಲ್ಲಿತ್ತು ಎಂದು ಹಾರ್ದಿಕ್ ತನ್ನ ಹಳೇ ದಿನಗಳನ್ನು ಮೆಲುಕು ಹಾಕಿದರು.