ಬಾಕ್ಸಿಂಗ್ ವೇಳೆ ಸಾವಿಗೀಡಾದ ಭಾರತೀಯ ದೇಹದಾರ್ಡ್ಯ ಪಟು

ಸಿಂಗಪೂರ: ಬಾಕ್ಸಿಂಗ್ ಪಂದ್ಯದಲ್ಲಿ ಭಾಗಿಯಾಗಿದ್ದ ಭಾರತೀಯ ಮೂಲದ ದೇಹದಾರ್ಢ್ಯ ಪಟು ಸಾವನ್ನಪ್ಪಿರುವುದು ಮೂಲಗಳಿಂದ ತಿಳಿದು ಬಂದಿದೆ.

ಏಷಿಯನ್ ಫೈಟಿಂಗ್ ಚಾಂಪಿಯನ್ ಶಿಪ್ ನಲ್ಲಿ ಭಾಗಿಯಾಗಿದ್ದ ಭಾರತ ಮೂಲದ ಪ್ರದೀಪ್ ಸುಬ್ರಹ್ಮಣ್ಯನ್ ಸ್ಟೀವ್ ಲಿಮ್ ರೊಂದಿಗೆ ಸೆಣಸಾಟ ನಡೆಸುತ್ತಿದ್ದ ವೇಳೆ ಈ ದುರ್ಘಟನೆ ನಡೆದಿದೆ.ಪಂದ್ಯ ನಡೆಯುತ್ತಿದ್ದ ವೇಳೆ ಸುಬ್ರಹ್ಮಣ್ಯನ್ ಅವರ ಮೂಗಿನಿಂದ ರಕ್ತ ಸುರಿಯುತ್ತಿತ್ತು.

ಕಾರಣ ರೇಫರಿ ಪಂದ್ಯವನ್ನು ಅರ್ಧಕ್ಕೆ ಮೊಟಕುಗೊಳಿಸಿದ್ದಾರೆ. ಈ ಪಂದ್ಯ ಸುಬ್ರಹ್ಮಣ್ಯನ್ ಅವರ ತಲೆಗೆ ಕೆಲವೊಂದು ಹೊಡೆತ ಬಿದ್ದಿದ್ದವು. ಆದರೂ ಅವರು ಸೆಣಸಾಟ ನಡೆಸುತ್ತಿದ್ದರು. ಪ್ರಜ್ಞೆ ತಪ್ಪುವ ಸ್ಥಿತಿ ಎದುರಾದಾಗ ಆಟವನ್ನು ಅರ್ಧಕ್ಕೆ ನಿಲ್ಲಿಸಲಾಯಿತು. ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತಾದ್ರು ಹೃದಯಾಘಾತದಿಂದ ಅವರು ಸಾವನ್ನಪ್ಪಿದ್ದಾರೆ.