ಸನ್​ಬರ್ನ್​ ಸಮಸ್ಯೆಗೆ ಮನೆಯಲ್ಲಿಯೇ ಇದೆ ಸಿಂಪಲ್​ ರೆಮಿಡಿಸ್..!!

ಅಯ್ಯೋ ದೇವರೆ ಇಷ್ಟು ದಿನ ಚಳಿ ಚಳಿ ಅಂತ ಮೈ ತುಂಬಾ ಸ್ವೇಟರ್ ಹಾಕಿಕೊಂಡು ಹೋಗ್ತಾ ಇದ್ದೋರು… ಈಗ ಅಯ್ಯೋ ದೇವರೆ ಇಷ್ಟೊಂದು ಬಿಸಿಲ ಅಂತಾ ಅಂದುಕೊಳ್ಳುತ್ತಿದ್ದಾರೆ..ಬೇಸಿಗೆ ಶುರುವಾಗುತ್ತಿದ್ದ ಹಾಗೆ ಎಲ್ಲರಿಗೂ ಒಂಥರಾ ಟೆನ್ಷನ್… ಹೊರಗಡೆ ಹೋಗೋದಕ್ಕೆ ಹಿಂದೆ ಮುಂದೆ ನೋಡ್ತಾರೆ. ಈ ಬಿಸಿಲಿನಲ್ಲಿ ಹೇಗಪ್ಪಾ ಹೋಗೋದು ಅಂತಾ ಒಂದು ಕ್ಷಣ ಯೋಚನೆ ಮಾಡ್ತಾರೆ..ಬಿಸಿಲಿನ ಬೇಗೆಗೆ ಮನೆ ಬಿಟ್ಟು ಹೊರ ಹೋಗೋಕೆ  ಭಯ ಆಗುತ್ತೆ . ನಾನೆಲ್ಲಿ ಟ್ಯಾನ್​ ಆಗೋಗ್ತಿನೋ, ಎಲ್ಲಿ ಕಪ್ಪು ಆಗೋಗ್ತೀನೋ ಅನ್ನೋದೆ ದೊಡ್ಡ ತಲೆನೋವಿನ ವಿಷಯ..  ಸೂರ್ಯನ ಕಿರಣಗಳು ನಮ್ಮ ತ್ವಚೆಯ ಮೇಲೆ ಬಿದ್ದರೆ ಸಾಕು, ಟ್ಯಾನ್​ ಆಗಲು ಶುರುವಾಗುತ್ತೆ. ಅದಕ್ಕಾಗಿ ಅಂತಾನೇ ನಾವು ಸಾಕಷ್ಟು ಸನ್​ ಸ್ಕ್ರೀನ್​ ಲೋಷನ್ ಗಳ ಮೊರೆ ಹೋಗುತ್ತೇವೆ… ಆದರೆ ನ್ಯಾಚುರಲ್ ಆಗಿಯೇ ಸಿಗುವ ಒಂದಿಷ್ಟು ಮನೆ ಮದ್ದುಗಳಿವೆ.. ನೋಟ್ ಮಾಡ್ಕೊಳ್ಳಿ…

ನಮ್ಮ ಚರ್ಮಕ್ಕೆ ಉಂಟಾಗುವ ಸಮಸ್ಯೆಗಳಲ್ಲಿ ಸನ್​ಬರ್ನ್​ ಕೂಡಾ ಒಂದು. ಸನ್​ಬರ್ನ್​​ ನಿಂದ ಮುಕ್ತಿ ಪಡೆಯಲು ಸನ್​ಸ್ಕ್ರೀನ್​ ಲೋಷನ್ ಬಳಸುತ್ತೀವಿ.. ಹೆಚ್ಚು ಸಮಯ ಸೂರ್ಯನ ಕಿರಣಗಳಿಗೆ ಮೈ ಒಡ್ಡಿದಾಗ ಚರ್ಮದಲ್ಲಿರುವ ಮೆಲನಿನ್ ಅನ್ನು ಉತ್ಪಾದಿಸಲು ಪ್ರಾರಂಭ ಮಾಡುತ್ತದೆ. ಸನ್​ಬರ್ನ್ಸ್​ಗಳನ್ನ ಹೇಗಪ್ಪಾ ಹೋಗಲಾಡಿಸೋದು ಅನ್ನೋ ಟೆನ್ಷನ್​ ಸಾಮಾನ್ಯವಾಗಿ ಎಲ್ಲರಿಗೂ ಇದ್ದೆ ಇರುತ್ತದೆ.. ಅದಕ್ಕಾಗಿ ಒಂದಿಷ್ಟು ಹೋಂ ರೆಮಿಡಿಸ್ ಇಲ್ಲಿದೆ.

ಕಲ್ಲಂಗಡಿ:

ಬೇಸಿಗೆ ಸಮಯದಲ್ಲಿ ನಮ್ಮ ದೇಹಕ್ಕೆ ನೀರಿನ ಅವಶ್ಯಕತೆ ತುಂಬಾನೇ ಇದೆ… ಹಾಗಾಗಿ ನೀರಿನ ಅಂಶ ಹೆಚ್ಚಾಗಿರುವ ಹಣ್ಣನ್ನು ತಿನ್ನಬೇಕು.. ಅಂತಹ ಹಣ್ಣುಗಳಲ್ಲಿ ಕಲ್ಲಂಗಡಿ ಹಣ್ಣು ಪ್ರಮುಖ ಪಾತ್ರವನ್ನು ವಹಿಸುತ್ತದೆ.  ಕಲ್ಲಂಗಡಿಯಲ್ಲಿ ಗ್ಲುಟಾಥಿಯೋನ್ ಎಂಬ ಆ್ಯಂಟಿ ಆಕ್ಸಿಡೆಂಟ್​ ಅಂಶವಿದ್ದು, ಇದು ಮೆಲನಿನ್ ಉತ್ಪಾದನೆಯನ್ನ ನಿಯಂತ್ರಿಸುತ್ತದೆ. ಕಲ್ಲಂಗಡಿ ಹಣ್ಣಿನ ಪೇಸ್ಟನ್ನ ಟ್ಯಾನ್​ ಆದ ಜಾಗಕ್ಕೆ ಹಚ್ಚಿಕೊಳ್ಳುವುದರಿಂದ ಸನ್​ಬರ್ನ್​​​ ನಿವಾರಣೆಯಾಗುತ್ತದೆ..

ಅರಿಶಿಣ: 

ಹಿಂದಿನ ಕಾಲದಿಂದಲೂ ಕೂಡ ಅರಿಶಿಣವನ್ನು ಚರ್ಮದ ಆರೈಕೆಗಾಗಿ ಬಳಸುತ್ತಾರೆ.. ಅರಿಶಿಣದಲ್ಲಿರುವ ಕರ್ಕ್ಯುಮಿನ್ ಎಂಬ ಅಂಶವು ಮೆಲಾನಿನ್ ಉತ್ಪಾದನೆಯನ್ನು ತಡೆಗಟ್ಟುತ್ತದೆ... ಅರಿಶಿಣದ ಪುಡಿಗೆ ಮೊಸರು ಮತ್ತು ನೀರನ್ನು ಸೇರಿಸಿ ಟ್ಯಾನ್​ ಆದ ಜಾಗಕ್ಕೆ ಹಚ್ಚುವುದರಿಂದ ಮಾಡುವುದರಿಂದ ಸನ್​ಟ್ಯಾನ್​ ಸುಲಭವಾಗಿ ಕಡಿಮೆ ಮಾಡಿಕೊಳ್ಳಬಹುದು.. ವಾರದಲ್ಲಿ 2 ಬಾರಿ ಹೀಗೆ ಮಾಡುವುದರಿಂದ ಸನ್​ಟ್ಯಾನ್​ ಕಡಿಮೆಯಾಗುತ್ತದೆ,

ಮಜ್ಜಿಗೆ:

ಮಜ್ಜಿಗೆಯು ಕೂಡ ನಮ್ಮ ದೇಹಕ್ಕೆ ತುಂಬಾನೇ ಅವಶ್ಯಕ.. ದೇಹಕ್ಕೆ ತಂಪನ್ನು ಒದಗಿಸುತ್ತದೆ.. ಮಜ್ಜಿಗೆಯಲ್ಲಿ ಲ್ಯಾಕ್ಟಿಕ್ ಆ್ಯಸಿಡ್​​ ಇರುವುದರಿಂದ ನಿಮ್ಮ ಚರ್ಮದ ಮೇಲಿನ ಎಪಿಡರ್ಮಿಸ್ ಅನ್ನು ನೈಸರ್ಗಿಕವಾಗಿ ಸಂರಕ್ಷಿಸಿ ತ್ವಚೆಯನ್ನು ಕಾಪಾಡಲು ಸಹಕಾರಿ ಮಾಡುತ್ತದೆ… ಲ್ಯಾಕ್ಟಿಕ್ ಆ್ಯಸಿಡ್​ ಚರ್ಮಕ್ಕೆ ಚಿಕಿತ್ಸೆ ನೀಡಿ ಮೆಲಾನಿನ್​​​​ ಅಂಶವನ್ನ ಕಡಿಮೆ ಮಾಡುತ್ತದೆ. ಚರ್ಮಕ್ಕೆ ಬೇಕಾದ ಪೋಷಕಾಂಶವನ್ನು ನೀಡುತ್ತದೆ.

ಸೌತೆ ಕಾಯಿ : 

ಸೌತೆಕಾಯಿಯಲ್ಲಿಯೂ ಕೂಡ ನೀರಿನ ಅಂಶ ಹೆಚ್ಚಾಗಿರುತ್ತದೆ.. ಹಾಗಾಗಿ ಬೇಸಿಗೆಯಲ್ಲಿ ಹೆಚ್ಚಾಗಿ ನೀರಿನ ಅಂಶವಿರುವ ಹಣ್ಣನ್ನು ತಿನ್ನಬೇಕಾಗುತ್ತದೆ… ಅದರಲ್ಲಿ ಸೌತೆಕಾಯಿಯು ಕೂಡ ಒಂದು… ಸೌತೆಕಾಯಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾಗಿರುತ್ತದೆ.. ಅದಕ್ಕೆ ಸೌತೆಕಾಯಿಯು ಕೂಡ ನಮ್ಮ ಚರ್ಮವನ್ನು ಸನ್ ಬರ್ನ್ನಿಂದ ಸಂರಕ್ಷಿಸುತ್ತದೆ.

ನಿಂಬೆಹಣ್ಣಿನ ರಸ: 

ನಿಂಬೆಹಣ್ಣಿನ ರಸ  ಚರ್ಮದ ತ್ವಚೆಗೆ ತಣ್ಣನೆಯ​ ಅನುಭವವನ್ನ ನೀಡುವುದರ ಜೊತೆಗೆ, ನ್ಯಾಚುರಲ್​ ಬ್ಲೀಚ್​ ಒದಗಿಸುತ್ತದೆ. ನಿಂಬೆರಸವನ್ನು ಸೌತೆಕಾಯಿಯೊಂದಿಗೆ ಮಿಕ್ಸ್ ಮಾಡಿ ಹಚ್ಚಿಕೊಂಡು 10 ನಿಮಿಷಗಳ ನಂತರ ಮುಖ ತೊಳೆಯುವುದರಿಂದ ಟ್ಯಾನ್​ ಕಡಿಮೆ ಆಗಿ, ಚರ್ಮದ ಕಾಂತಿ ಹೆಚ್ಚುತ್ತದೆ. ಅಷ್ಟೆ ಅಲ್ಲದೆ ಚರ್ಮವು ಫಳ ಫಳನೆ ಹೊಳೆಯುವಂತೆ ಮಾಡುತ್ತದೆ..

ಬೇಸಿಗೆ ಸಮಯದಲ್ಲಿ ನಮ್ಮ ಚರ್ಮ ಬಹುಬೇಗ ಟ್ಯಾನ್ ಆಗಿ ಬಿಡುತ್ತದೆ.. ಅದರಿಂದ ಚರ್ಮವನ್ನು ಸಂರಕ್ಷಿಸಲು ಈ ಮೇಲಿನ ಟಿಪ್ಸ್’ಗಳನ್ನು ಟ್ರೈ ಮಾಡಿ… ಈ ಮಾಹಿತಿಯನ್ನು ನೀವು ತಿಳಿದುಕೊಂಡು ಇತರರಿಗೂ ಕೂಡ ಷೇರ್ ಮಾಡಿ..