ಯೂಟ್ಯೂಬ್ ವೀಕ್ಷಿಸುವರ ಸಂಖ್ಯೆ ಭಾರತದಲ್ಲಿ ಎಷ್ಟು ಗೊತ್ತಾ ?

27 Mar 2018 3:54 PM | General
597 Report

ಜನರು ಆನ್‌ಲೈನ್‌ನಲ್ಲಿ ಹೆಚ್ಚು ಸಮಯ ಕಳೆಯುವುದರಿಂದ ಗೂಗಲ್ ಎಷ್ಟು ಬೆಳೆಯುತ್ತದೆ ಎಂಬುದು ಇದಕ್ಕೆ ಉದಾಹರಣೆ ಎನ್ನಬಹುದು. ಗೂಗಲ್ ಸಂಸ್ಥೆ ನೀಡಿರುವ ಒಂದು ವರದಿ ಪ್ರಕಾರ ಭಾರತದ ಶೇ. 80 ಇಂಟರ್ನೆಟ್ ಬಳಕೆದಾರರು ಯೂಟ್ಯೂಬ್ ವೀಕ್ಷಿಸುತ್ತಿದ್ದಾರಂತೆ.

ಯೂಟ್ಯೂಬ್​ನಂಥ ವಿಡಿಯೋ ಪ್ಲಾಟ್​ಫಾರ್ಮ್​ ಬಗ್ಗೆ ಜನರಿಗೆ ಈಗೀಗ ಆಸಕ್ತಿ ಹೆಚ್ಚಾಗುತ್ತಿದೆಯಂತೆ. ಭಾರತದಲ್ಲಿ 2014ರಲ್ಲಿ 10 ಲಕ್ಷಕ್ಕಿಂತ ಸಬ್​ಸ್ಕ್ರೈಬರ್ಸ್ ಹೊಂದಿರುವ ಯೂಟ್ಯೂಬ್ ಚಾನಲ್​ಗಳ ಸಂಖ್ಯೆ ಕೇವಲ 16 ಮಾತ್ರ ಇತ್ತು. ಆದರೆ, 10 ಲಕ್ಷಕ್ಕಿಂತ ಸಬ್​ಸ್ಕ್ರೈಬರ್ಸ್ ಹೊಂದಿರುವ ಯೂಟ್ಯೂಬ್ ಚಾನಲ್​ಗಳು ಈಗ 300 ಸಂಖ್ಯೆಯನ್ನು ಮೀರಿದೆ ಎಂದು ಗೂಗಲ್ ಇಂಡಿಯಾ ಸಂಸ್ಥೆಯ ಅಧಿಕಾರಿಗಳು ಮಾಧ್ಯಮಗಳಿಗೆ ಮಾಹಿತಿ ಬಿಡುಗಡೆ ಮಾಡಿದ್ದಾರೆ.

ಇನ್ನು ಕಾಮ್​ಸ್ಕೋರ್ ವಿಡಿಯೋ ಮೆಟ್ರಿಕ್ಸ್ ಮಲ್ಟಿ-ಪ್ಲಾಟ್​ಫಾರ್ಮ್ ವರದಿಯಲ್ಲಿಯೂ ಯೂಟ್ಯೂಬ್ ಬಗ್ಗೆ ಒಂದಷ್ಟು ಕುತೂಹಲಕಾರಿ ಅಂಶಗಳನ್ನು ನೀಡಲಾಗಿದೆ. 18 ವರ್ಷ ಮೇಲ್ಪಟ್ಟ ಸಕ್ರಿಯ ಇಂಟರ್‌ನೆಟ್ ಬಳಕೆದಾರರ ಪೈಕಿ ಶೇ.85ರಷ್ಟು ಜನರು ಯೂಟ್ಯೂಬ್ ವೀಕ್ಷಿಸುತ್ತಾರಂತೆ ಮತ್ತು 2020ರ ವೇಳೆಗೆ ಇಂಟರ್ನೆಟ್​ನಲ್ಲಿ ವಿಡಿಯೋ ವೀಕ್ಷಿಸಲಿರುವ ಜನರ ಪ್ರಮಾಣ 50 ಕೋಟಿ ಮೀರಲಿದೆಯಂತೆ.

 

Edited By

Shruthi G

Reported By

Madhu shree

Comments