ಪಾಕ್ ಸೇನೆಗೆ ತಕ್ಕ ಪಾಠ ಕಲಿಸಿದ ಭಾರತ

ಪದೇ ಪದೇ ಗಡಿಯಲ್ಲಿ ಶಾಂತಿ ಕದಡುತ್ತಿರುವ ಪಾಕ್​ಗೆ ಭಾರತೀಯ ಸೇನೆ ಗುರುವಾರ ತಕ್ಕ ಪಾಠ ಕಲಿಸಿದೆ. ಪಾಕ್​ ರೇಂಜರ್ಸ್​ಗಳನ್ನು ಹೊಡೆದುರುಳಿಸಿದೆ. ಬುಧವಾರವಷ್ಟೇ ಭಾರತೀಯ ಬಿಎಸ್​ಎಫ್​ ಯೋಧರೊಬ್ಬರು ಪಾಕ್​ ಗುಂಡೇಟಿಗೆ ಬಲಿಯಾಗಿದ್ದರು. ಇದಕ್ಕೆ ತಕ್ಕ ಪ್ರತೀಕಾರ ತೀರಿಸಕೊಂಡಿರುವ ಭಾರತೀಯ ಸೇನೆ, ಪಾಕಿಸ್ತಾನದ 12 ರಿಂದ 15 ರೇಂಜರ್ಸ್​​ಗಳನ್ನು ಬಲಿ ತೆಗೆದುಕೊಂಡಿದೆ.

ಸಾಂಬಾ ಸೆಕ್ಟರ್​ ಬಳಿ ಇರುವ ಪಾಕ್​ನ ಐದು ಶಿಬಿರಗಳನ್ನು ನಾಶ ಪಡಿಸಿರುವ ಭಾರತೀಯ ಸೇನೆ ಆರ್​. ಎಸ್​​.ಪುರ ಸೆಕ್ಟರ್​​ ಬಳಿ ಗಡಿ ದಾಟುತ್ತಿದ್ದ ಪಾಕ್​ ಕಿಡಿಗೇಡಿಯೊಬ್ಬನನ್ನು ಹೊಡೆದುರುಳಿಸಿದೆ. ಜಮ್ಮು- ಕಾಶ್ಮೀರ ಬಿಎಸ್​ಎಫ್​​ನ ಐಜಿ ಇದರ ಕುರಿತು ಅಧಿಕೃತ ಮಾಹಿತಿ ನೀಡಿದ್ದಾರೆ.