ನಟಿಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದ ಸಹ ನಟನ ವಿರುದ್ಧ ದೂರು ದಾಖಲು

ಐಸ್​ ಮಹಲ್​ ಎಂಬ ಚಿತ್ರದ ನಟಿಗೆ ಅದೇ ಚಿತ್ರದ ಪೋಷಕ ನಟ ರಾಜಶೇಖರ ಎಂಬುವವರು ಕನ್ಯತ್ವ ಪರೀಕ್ಷಿಸಿಕೊಳ್ಳುವಂತೆ ಸಂದೇಶ ಕಳುಹಿಸಿದ್ದಾರೆ ಎನ್ನಲಾಗಿದೆ. ಮೆಸೇಜ್​ ಕಳುಹಿಸುವ ಮೂಲಕ ತಮ್ಮ ಚಾರಿತ್ರ್ಯದ ಬಗ್ಗೆ ಅಸಭ್ಯವಾಗಿ ನಡೆದುಕೊಂಡಿದ್ದಾರೆ ಎಂದು ನಟಿ ಆರೋಪ ಮಾಡಿದ್ದಾರೆ. ಚಿತ್ರದಲ್ಲಿ ರಾಜಶೇಖರ್​ ನಟಿಯ ತಂದೆಯ ಪಾತ್ರ ನಿರ್ವಹಿಸಿದ್ದಾರೆ.

ಚಿತ್ರ ನಟಿಯೊಬ್ಬರಿಗೆ ಪೋಷಕ ನಟರೊಬ್ಬರು ಅಸಭ್ಯ ಸಂದೇಶ ಕಳುಹಿಸಿ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ. ಮಾಗಡಿ ರಸ್ತೆ ಪೊಲೀಸ್​ ಠಾಣೆಯಲ್ಲಿ ನಟಿ ದೂರು ದಾಖಲಿಸಿದ್ದು, ಐಪಿಸಿ 354 D, 504, 506, 509 ಅಡಿ ಪೊಲೀಸರು ದಾಖಲಿಸಿದ್ದಾರೆ.