'ಜಿಮ್ಕಿ ಕಮ್ಮಲ್' ಹಾಡಿಗೆ ಜಾಕಿ ಚಾನ್ ಸಖತ್ ಡಾನ್ಸ್

ಇದೀಗ ಹಾಲಿವುಡ್​​ ನಟ, ಆ್ಯಕ್ಷನ್​​ ಹೀರೊ ಜಾಕಿ ಚಾನ್ ನ 'ಜಿಮ್ಕಿ ಕಮ್ಮಲ್' ಡ್ಯಾನ್ಸ್ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​​ ಸದ್ದು ಮಾಡುತ್ತಿದೆ. ಜಾಕಿ ಚಾನ್​​ ನೃತ್ಯದ ಕುಂಗ್​ಫು ಯೋಗ ಚಿತ್ರದ ಹಾಡೊಂದಕ್ಕೆ ಈ ಹಾಡನ್ನು ಎಡಿಟ್​ ಮಾಡಲಾಗಿದೆ. ಜಾಕಿ ಚಾನ್​​ ನೃತ್ಯದ ಈ ವಿಡಿಯೋ ಈಗ ಮತ್ತೆ ವೈರಲ್​ ಆಗುತ್ತಿದೆ.

ಮಲಯಾಳಂ ನಟ ಮೋಹನ್​ ಲಾಲ್ ಅಭಿನಯದ ಇತ್ತೀಚೆಗೆ ಬಿಡುಗಡೆಯಾಗಿರುವ ‘ವೆಲಿಪಡಿಂಟೆ ಪುಸ್ತಕಮ್’ ಸಿನಿಮಾದಲ್ಲಿನ ಜಿಮ್ಕಿ ಕಮ್ಮಲ್ ಹಾಡನ್ನು ನೀವು ಕೇಳಿಯೇ ಇರುತ್ತೀರಾ. ಎಲ್ಲೆಡೆ ಬರೀ ಜಿಮ್ಕಿದ್ದೇ ಹವಾ. ಆಫೀಸ್​, ಮದುವೆ ಸಮಾರಂಭ, ಶಾಲೆಗಳಲ್ಲಿ, ಹೀಗೆ ಎಲ್ಲೆಡೆ ಅದೇ ಹಾಡಿಗೆ ಡ್ಯಾನ್ಸ್ ಮಾಡುತ್ತಿರುವುದು ಕಂಡುಬರುತ್ತಿದೆ. ಅಲ್ಲದೇ ಜಿಮ್ಕಿ ಕಮ್ಮಲ್ ಹಾಡಿನ ಡ್ಯಾನ್ಸ್​ ಸಾಮಾಜಿಕ ಜಾಲತಾಣದಲ್ಲೂ ಸಖತ್ ವೈರಲ್ ಆಗುತ್ತಿದೆ.