ರಮ್ಯಾ ಜತೆಗೆ ಕೆಲಸ ಮಾಡುವ ಆಸೆ ನಿಮಗಿದ್ಯಾ? ಅರ್ಜಿ ಹಾಕಿ

ನವದೆಹಲಿ, ರಮ್ಯಾ ಜತೆಗೆ ಕೆಲಸ ಮಾಡುವ ಅವಕಾಶ ನಿಮಗೆ ದೊರೆಯಲಿದೆ. ಸಾಮಾಜಿಕ ಮಾಧ್ಯಮ ಘಟಕಕ್ಕೆ ಅಧ್ಯಕ್ಷರಾಗಿರುವ ರಮ್ಯಾ ಮೋದಿ ಸರ್ಕಾರದ ವಿರುದ್ಧ ಸಮರಕ್ಕಾಗಿ ನಿರ್ಧಾರ ಕೈಗೊಂಡಿದ್ದಾರೆ. ಅದಕ್ಕೆಂದೇ ಕಾಂಗ್ರೆಸ್ ನ ಸಾಮಾಜಿಕ ಮಾಧ್ಯಮ ಘಟಕವು 25 ಹುದ್ದೆಗಗಳಿಗೆ ಅರ್ಜಿ ಕರೆದಿದೆ.

ತನ್ನ ಉದ್ಯೋಗವಕಾಶ ಸಂಬಂಧಿ ಲಿಂಕ್ಡ್ ಇನ್ ಆನ್ ಲೈನ್ ತಾಣದಲ್ಲಿ ವಿವಿಧ ಹುದ್ದೆಗಳಿಗೆ ಕಾಂಗ್ರೆಸ್ ಅರ್ಜಿ ಕರೆದಿದ್ದು,

ವಿಶ್ಲೇಷಣಾ ವ್ಯವಸ್ಥಾಪಕ, ಡಿಜಿಟಲ್ ಮೀಡಿಯಾ ಪ್ಲ್ಯಾನರ್ , ಡಾಟಾ ಅನಲಿಸ್ಟ್ , ಎನಿಮೇಟರ್ , ವಿಡಿಯೋ ಎಡಿಟರ್, ಕ್ಯಾರಿ ಕೇಚರ್, ಅಕೌಂಟ್ ಡೈರೆಕ್ಟರ್ ಸೇರಿದಂತೆ ಒಟ್ಟು 25 ಹುದ್ದೆಗಳ ನೇಮಕ ಮಾಡಿಕೊಳ್ಳಲಾಗುವುದು. ಕನ್ನಡ, ತಮಿಳು, ಗುಜುರಾತಿ ಲೇಖನಗಳು ಹಾಗೂ ಭಾಷಣಗಳನ್ನು ತುರ್ಜುಮೆ ಮಾಡುವವರಿಗೂ ಅರ್ಜಿ ಆಹ್ವಾನಿಸಲಾಗಿದೆ. ನಮ್ಮ ತಂಡವನ್ನು ವಿಸ್ತರಿಸುತ್ತಿದ್ದೇವೆ ಎಂದು ರಮ್ಯಾ ಸುದ್ದಿವಾಹಿನಿ ಯೊಂದಕ್ಕೆ ಖಚಿತಪಡಿಸಿದ್ದಾರೆ.