ಮಗು ಆದ್ರೂ ರಾಧಿಕಾಗೇ ಬೇಸರವಾಗಿದ್ಯಾಕೆ....?

ಸ್ಯಾಂಡಲ್​ವುಡ್​ನ ಕ್ಯೂಟ್​ ಕಪಲ್​ ರಾಜಾಹುಲಿ ದಂಪತಿಗೆ ಹೆಣ್ಣು ಮಗುವಾಗಿದೆ. ಬಹಳ ದಿನಗಳಿಂದ ನಿರೀಕ್ಷಿಸುತ್ತಿದ್ದ ಅಭಿಮಾನಿಗಳಿಗೆ ಶುಭಸುದ್ದಿ ಸಿಕ್ಕಿದೆ. ರಾಧಿಕಾ ಪಂಡಿತ್​ ಭಾನುವಾರವಷ್ಟೇ ಒಂದು ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ- ಮಗು ಇಬ್ಬರು ಆರೋಗ್ಯವಾಗಿದ್ದಾರೆ. ಈಗಾಗಲೇ ಚಿತ್ರರಂಗದ ಅನೇಕರು ಈ ದಂಪತಿಗೆ ಕಂಗ್ರಾಟ್ಸ್​ ಹೇಳಿದ್ದಾರೆ. ಈ ನಡುವೆ ಯಶ್​ ಸಿಕ್ಕಾಪಟ್ಟೆ ಖುಷಿಯಲ್ಲಿದ್ದು, ಅಭಿಮಾನಿಗಳು, ಸ್ನೇಹಿತರಿಂದ ಶುಭಾಷಯಗಳ ಮಹಾಪೂರವೇ ಹರಿದುಬರುತ್ತಿದೆ.

ಕುಟುಂಬಸ್ಥರು ಭಾಗ್ಯಲಕ್ಷ್ಮಿ ಆಗಮನಕ್ಕೆ ಮನೆಯಲ್ಲಿ ಸಂಭ್ರಮ ಆಚರಿಸಿದ್ದಾರೆ. ಇನ್ನು ಅಭಿಮಾನಿಗಳನ್ನು ಕೇಳಬೇಕೆ.... ಕರ್ನಾಟಕಾದಾದ್ಯಂತ ಅಭಿಮಾನಿಗಳು ತಮ್ಮ ಸ್ಟಾರ್​ಗೆ ಕ್ಯೂಟ್​ ಕಿಡ್​ ಆಗಿದ್ದರ ಫಲ ಸ್ವೀಟ್​ ಹಂಚಿ ಸಂಭ್ರಮಿಸಿದ್ದಾರೆ. ಆದರೆ ಈ ನಡುವೆ ರಾಧಿಕಾ ಸ್ವಲ್ಪ ಬೇಜಾರಾದಂತಿದೆ. ರಾಧಿಕಾ ಗಂಡು ಮಗುವಾದರೆ ನನಗಿಷ್ಟ, ಅದು ಜೂನಿಯರ್​ ರಾಮಾಚಾರಿ ಆಗಲಿದೆ ಎಂದು ಹೇಳುತ್ತಿದ್ದರು. ಆದರೆ ಯಶ್​ ಅವರ ಆಸೆಯಂತೇ ಜೂನಿಯರ್​ ಸಿಂಡ್ರೆಲಾ ಜನಿಸಿದ್ದಾಳೆ. ರಾಧಿಕಾಗೆ ಈ ಬಗ್ಗೆ ಬೇಸರವೇನೂ ಅಲ್ಲ. ಬದಲಾಗಿ. ನಾರ್ಮಲ್​ ಡೆಲಿವರಿ ಆಗುತ್ತದೆ ಎಂದು ಭಾವಿಸಿದ್ದರು. ಆದರೆ ರಾಧಿಕಾ ಪಂಡಿತ್​ಗೆ ಸಿಜೇರಿಯನ್​ ಮಾಡಲಾಗಿದೆ. ಇದರಿಂದ ರಾಧಿಕಾ ಇನ್ನು ಸ್ವಲ್ಪ ದಿನಗಳ ಕಾಲ ಬೆಡ್​ ರೆಸ್ಟ್​ ಮಾಡಬೇಕಾಗುತ್ತದೆ. ಒಂದಷ್ಟು ದಿನ ನಾರ್ಮಲ್​ ಆಗಿ ಓಡಾಡುವ ಆಗಿಲ್ಲ. ಇದರಿಂದ ಮನೆಗೆ ಭಾಗ್ಯಲಕ್ಷ್ಮಿ ಬಂದ್ರೂ ಸ್ವಲ್ಪ ಬೇಜಾರಿನಲ್ಲಿದ್ದಾರೆ ಎಂದು ಹೇಳಲಾಗುತ್ತಿದೆ.