ವೀಲ್​ ಚೇರ್​ನಲ್ಲಿ ಕಾಜಲ್ ಅಗರ್​ವಾಲ್ ಕಿಕಿ ಡ್ಯಾನ್ಸ್​ : ವಿಡಿಯೋ ವೈರಲ್

ಇತ್ತೀಚೆಗೆ ಕಿಕಿ ಡ್ಯಾನ್ಸ್ ಸಿಕ್ಕಾಪಟ್ಟೆ ಟ್ರೆಂಡ್ ಆಗಿಬಿಟ್ಟಿದೆ.. ಇತ್ತಿಚೀಗಷ್ಟೆ ಬಿಗ್​ಬಾಸ್ ಮೂಲಕ ​ಸೆಲೆಬ್ರಿಟಿ ನಿವೇದಿತಾ ಗೌಡ ವಿರುದ್ದ ದೂರು ದಾಖಲು ಕೂಡ ಆಗಿತ್ತು. ಸೆಲೆಬ್ರಿಟಿಗಳು ಕಿಕಿ ಚಾಲೆಂಜ್​ ಮಾಡಿ ಅನಾಹುತ ಮಾಡಿಕೊಂಡಿದ್ದರ ಹಿನ್ನಲೆಯಲ್ಲಿಯೇ ಮತ್ತೊಮ್ಮೆ ಕಿಕಿ  ಡ್ಯಾನ್ಸ್  ಮೂಲಕ ಖ್ಯಾತ ತೆಲುಗು  ನಟಿ  ಕಾಜಲ್​ ಅಗರ್​ವಾಲ್​ ಸಿಕ್ಕಾಪಟ್ಟೆ ಸುದ್ದಿಯಾಗಿದ್ದಾರೆ.

ಪೊಲೀಸರು  ಈ ಬಗ್ಗೆ ಎಚ್ಚರಿಕೆ ಕೊಟ್ಟರು ಕೂಡ ಸೆಲೆಬ್ರಿಟಿಗಳು ಚಲಿಸೋ ಕಾರಿನಿಂದ ಕೆಳಗಿಳಿದು ಸ್ಟೆಪ್​​ ಹಾಕೋದನ್ನ ಬಿಟ್ಟಿಲ್ಲ. ಆದರೆ​ ನಟಿ ಕಾಜಲ್​​ ಅಗರ್​ವಾಲ್​​​ ಹಾಗೂ ನಟ ಬೆಲ್ಲಂಕೊಂಡ ಶ್ರೀನಿವಾಸ್​​, ಇದೀಗ ಕಿಕಿ ಡುಯು ಲವ್​​ ಮಿ ಹಾಡಿಗೆ ಸಖತ್ ಆಗಿಯೇ ಸ್ಟೆಪ್​​ ಹಾಕಿದ್ದಾರೆ. ಆದರೆ ಇವರು ಚಲಿಸೋ ಕಾರಿನಿಂದ ಇಳಿದು ಕೀಕಿ ಡಾನ್ಸ್​​ ಮಾಡಿಲ್ಲ. ಬದಲಾಗಿ ವೀಲ್ ಚೇರ್ ಮೇಲೆ ಕುಳಿತು ಕಿಕಿ ಡ್ಯಾನ್ಸ್ ಮಾಡಿದ್ದಾರೆ. ಈ ಮೂಲಕ ಕಿಕಿ ಡ್ಯಾನ್ಸ್‌ ಮಾಡಿದ್ರೆ ಏನೆಲ್ಲಾ ಅನಾಹುತವಾಗುತ್ತೆ ಅನ್ನೋದನ್ನ ತಿಳಿಸಿಕೊಟ್ಟಿದ್ದಾರೆ.