ಶಿವರಾಜಕುಮಾರ್ ಎದುರು ವಿಲನ್ ಆಗ್ತಾರಾ ಸಂಜಯ್ ದತ್ ..?

02 Apr 2018 12:56 PM | Entertainment
470 Report

ನಿರ್ದೇಶಕ ಓಂ ಪ್ರಕಾಶ್ ರಾವ್ ಕೂಡಾ ಈ ಕುರಿತು ಹೇಳುತ್ತಿದ್ದರೇ ಹೊರತು, ಇದುವರೆಗೂ ಚಿತ್ರ ಶುರುವಾಗಿಲ್ಲ. ಈಗ ಮತ್ತೊಮ್ಮೆ ಆ ಚಿತ್ರ ಸುದ್ದಿಯಲ್ಲಿದ್ದು, ಇದರಲ್ಲಿ ಶಿವರಾಜಕುಮಾರ್ ಎದುರು ಸಂಜಯ್ ದತ್ ವಿಲನ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ.

ಈ ಸುದ್ದಿ ಎಲ್ಲಿಂದಲೋ ಬಂದಿದ್ದರೆ, ಅದು ಸುಳ್ಳು ಎನ್ನಬಹುದಿತ್ತು. ಆದರೆ, ಸುದ್ದಿ ಬಂದಿರುವುದು ಖುದ್ದು ನಿರ್ದೇಶಕ ಓಂಪ್ರಕಾಶ್ ರಾವ್ ಅವರಿಂದ. ಹುಚ್ಚ 2' ಚಿತ್ರದ ಪತ್ರಿಕಾಗೋಷ್ಠಿಯ ನಂತರ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, `ತ್ರಿವಿಕ್ರಮ' ಚಿತ್ರ ಈ ವರ್ಷ ಪ್ರಾರಂಭವಾಗಲಿದ್ದು, ಆ ಚಿತ್ರದಲ್ಲಿ ಸಂಜಯ್ ದತ್ ನಟಿಸುವ ಸಾಧ್ಯತೆ ಇದೆ ಎಂದು ಹೇಳಿಕೊಂಡಿದ್ದಾರೆ. `ಈಗಾಗಲೇ ಸಂಜಯ್ ದತ್ ಅವರೊಂದಿಗೆ ಮಾತುಕತೆ ನಡೆಸಲಾಗಿದೆ. ಇದು ಐದು ಭಾಷೆಗಳಲ್ಲಿ ತಯಾರಾಗುತ್ತಿರುವ ಚಿತ್ರ. ಕನ್ನಡದಲ್ಲಿ ಶಿವರಾಜಕುಮಾರ್ ನಾಯಕರಾಗಿ ಕಾಣಿಸಿಕೊಂಡರೆ, ಬೇರೆ ಭಾಷೆಗಳಲ್ಲಿ ಆಯಾ ಭಾಷೆಯ ಜನಪ್ರಿಯ ಹೀರೋಗಳು ನಟಿಸುತ್ತಿದ್ದಾರೆ. ಇದು ನನ್ನ ನಿರ್ದೇಶನದ 50ನೇ ಚಿತ್ರವಾಗಲಿದೆ' ಎಂದು ಹೇಳಿದ್ದಾರೆ.

Edited By

Shruthi G

Reported By

Madhu shree

Comments